Ym Mhlas Menai, mae ein hyfforddwyr hynod brofiadol yn darparu cyrsiau Hyfforddiant Achub o Ddŵr technegol o’r radd flaenaf sydd wedi’u cynllunio gan Rescue 3 Europe, y corff achredu rhyngwladol sy’n arbenigo mewn sefydliadau hyfforddi ac unigolion sy’n gweithredu mewn amgylcheddau risg uchel.

Mae ein cwrs Ymwybyddiaeth o Ddŵr a Llifogydd yn yr ystafell ddosbarth wedi'i gynllunio i roi gwybodaeth ac ymwybyddiaeth ddigonol i unrhyw un sy'n gweithio ger dŵr o beryglon posibl yr amgylchedd hwn, a datblygu dealltwriaeth o dechnegau achub o ddŵr.

Rydym hefyd yn darparu amrywiaeth o gyrsiau ymarferol sy'n rhoi sylw i ystod o sgiliau, o gyrsiau Ymatebwyr Cyntaf a Gweithredwyr Cychod Achub o Lifogydd, i gyrsiau Hyfforddwr, sydd wedi'u cynllunio ar gyfer gweithwyr achub proffesiynol profiadol sydd eisiau dysgu'r gyfres lawn o ddosbarthiadau cychod.

Gyda mwy na 40 mlynedd o brofiad, rydym yn falch o fod ag enw da yn rhyngwladol am ddarparu hyfforddiant o’r ansawdd uchaf ar draws ystod eang o weithgareddau a swyddi lle mae diogelwch yn hollbwysig, gyda chyrsiau’n cael eu harwain gan hyfforddwyr hynod fedrus a phrofiadol. I gael rhagor o wybodaeth am unrhyw un o’n cyrsiau, dilynwch y dolenni isod.

Os ydych yn dymuno i'r cwrs / gweithgaredd hwn gael ei gyflwyno trwy gyfrwng y Gymraeg, nodwch hynny yn y nodiadau wrth archebu a gallwn sicrhau bod gennych hyfforddwr sy'n siarad Cymraeg.