Mae ein hystod o gyrsiau Hyfforddwyr Gwyntsyrffio, Wingsyrffio a Ffoilio wedi'u cynllunio i roi'r sgiliau sydd eu hangen ar gyfranogwyr i addysgu ar amrywiaeth o lefelau, gan helpu’r cyfranogwyr i ddechrau ar eu gyrfaoedd neu eu datblygu yn y diwydiant awyr agored.

Bydd cwrs Hyfforddwr Dechrau Gwyntsyrffio yr RYA yn rhoi sylw i ddefnyddio efelychydd, arddangosfeydd ar y dŵr a thechnegau addysgu grŵp. Ar ôl ei gwblhau, byddwch yn gymwys i addysgu’r cwrs Dechrau Gwyntsyrffio a chamau 1 a 2 o’r Cynllun Gwyntsyrffio Ieuenctid o dan oruchwyliaeth uwch hyfforddwr.

Gall gwyntsyrffwyr a hyfforddwyr profiadol wella eu gallu personol mewn hwylio ac addysgu wrth ennill y sgiliau angenrheidiol i addysgu cynlluniau a chyrsiau lefel uwch, gyda chyrsiau Hyfforddwr Gwyntsyrffio Canolraddol ac Uwch yr RYA. Bydd y cyrsiau hyfforddwyr hyn yn galluogi’r cyfranogwyr i addysgu detholiad ehangach o gyrsiau mewn canolfannau gwyntsyrffio perfformiad uchel sy'n cynnal gwersi’r RYA.

Fel un o’n cynigion diweddaraf, mae cwrs Hyfforddwr Wingsyrffio / Gwyntffoilio pum diwrnod yr RYA yn paratoi’r hyfforddwyr i gyflwyno byd newydd a chyffrous wingio i gynulleidfa fwy mewn ffordd ddiogel a blaengar. Gan gyfuno hyfforddiant ac asesiadau ar y dŵr gyda sesiynau ar y lan sy'n rhoi sylw i dechnegau addysgu, mae'r cwrs yma’n rhoi sylw i gymysgedd o bynciau ymarferol a theori.

I gael rhagor o wybodaeth am unrhyw un o’n cyrsiau ac i archebu eich lle, cliciwch ar y dolenni isod.